Isaiah 8

संदेष्ट्याच्या पुत्राचे नाव

1परमेश्वर मला म्हणाला, “एक मोठी पाटी घे आणि तीवर महेर-शालाल-हाश-बज असे लिही.” 2माझ्याकरिता साक्षीसाठी उरीया याजक व यवरेख्याचा मुलगा जखऱ्या या विश्वासु साक्षीदारास मी बोलावून घेईन.

3मी एका संदेष्ट्रीकडे गेलो. ती गर्भवती होऊन तिला मुलगा झाला मग परमेश्वर मला म्हणाला, “त्याचे नाव महेर-शालाल-हाश-बज असे ठेव. 4कारण लेकराला आई, बाबा, अशी हाक देता येण्या आधीच अश्शूरचा राजा पुढे दिमिष्काचे धन व शोमरोनाची लूट घेऊन जाईल.”

5परमेश्वर माझ्याशी पुन्हा बोलला,

6“हे लोक शिलोहाचे संथ पाणी नापसंत करतात,
आणि रसीन व रमाल्याचा मुलगा यांच्या सोबत आनंदी होतात.
7म्हणून प्रभू लवकरच त्यांच्यावर नदीच्या जलांचा मोठा व शक्तीशाली लोंढा, म्हणजेच अश्शूरच्या राजाला त्याच्या सर्व वैभवाने त्यांच्यावर आणील.
तो आपले सर्व पाट व कडा भरुन वाहील.

8आणि तो पुढे वाहत यहूदात शिरेल व त्याला बुडवेल, पुराचे पाणी वाढत व पसरत तुमच्या गळ्याला लागेपर्यंत येईल.

हे इम्मानुएला, त्याचे पसरलेले पंख तुझी सर्व भूमी व्यापून टाकील.”

9अहो लोकांनो युध्द करा, पण तुमचा चुराडा होईल. दूरच्या सर्व देशांनो ऐका;

युद्धासाठी सशस्त्र व्हा पण तुमचा चुराडा होईल; स्वतःला सुसज्ज करा पण तुमचा चुराडा होईल.
10योजना करा, पण ती व्यर्थ करण्यात येईल; हुकूम करा, पण तो अमलांत येणार नाही,
कारण देव आम्हाबरोबर आहे.

परमेश्वराचे भय धरा

11परमेश्वराने मला आपल्या हाताने बळकट धरुन असे बजावून सांगितले होते की या लोकांच्या मार्गाने जाऊ नको, तो म्हणाला,

12“हे लोक कोणत्याहि गोष्टीला कारस्थान म्हणतात त्याला कारस्थान म्हणू नका,
ते ज्याला भितात त्याला तुम्ही भिऊ नका आणि घाबरु नका.
13सेनाधीश परमेश्वर, त्याला पवित्र मानून तुम्ही त्याचा सन्मान करा, तुम्ही त्याचे भय धरा
आणि तोच एक असा पवित्र आहे, की तुम्हाला त्याचा धाक वाटावा.

14तो एक पवित्रस्थान होईल; परंतु इस्राएलाच्या दोन्ही घराण्याला तो ठेच लागणारा धोंडा व अडखण्याचा खडक

आणि यरूशलेमेतील रहिवाश्यास पाश व सापळा असा होईल.
15पुष्कळ लोक त्यावर ठेचा खातील, पडतील व फुटतील, पाशांत अडकून धरील्या जातील.”

16माझी साक्ष पक्की बांध, नोंद अधिकृतपणे शिक्कामोर्तब करून माझ्या शिष्यांना दे.

17मी परमेश्वराची प्रतीक्षा करीन, जो याकोबाच्या घराण्यापासून आपले तोंड लपवितो; मी त्याची प्रतीक्षा करीन.
18पाहा, मी व मुले जी परमेश्वराने मला दिली ती इस्राएलास चिन्हे व चमत्कारांसाठी
जो सैन्याधीश परमेश्वर सीयोन पर्वतावर वसतो त्याने ठेवली आहेत.

19ते तुम्हाला म्हणतील, “भूतवैद्य व मांत्रिक यांचा सल्ला घ्या” जे काहीतरी बरळतात व मंत्र पुटपुटतात. परंतु लोकांनी त्यांच्या देवाचा सल्ला घ्यावा काय? 20म्हणून तुम्ही नियमशास्त्र व विधी याकडे लक्ष दिले पाहीजे! जर ते अशा गोष्टी बोलत नाही कारण त्यांना प्रभात प्रकाश नाही.

21ते अतिशय त्रस्त व भुकेले असे देशातून जातील. जेव्हा ते भुकेले होतील तेव्हा संतापून

आणि त्यांच्या राजाला व देवाला आपली तोंडेवर करून शाप देतील.
ते पृथ्वीकडे दृष्टी टाकतील
आणि पाहा विपत्ती अंधकार व दु:खाचे निराशेचे काहूर त्यांना दिसेल. ते अंधकाराच्या भूमीत लोटले जातील.
22